Башкы прокуратура Октябрь РИИБинин башчысы эмнеге кармалганын маалымдады

Коррупциялык кылмыш иштери боюнча факты менен бир катар милиция кызматкерлери кармалды. Бул тууралуу бүгүн, 22-октябрда Башкы прокуратуранын басма сөз кызматынан кабарлашканын “Барометр” маалымдайт.

Көзөмөл органы Бишкектин Октябрь райондук ички иштер башкармалыгынын башчысы Уланбек Аалиев башка кызматкерлер менен сүйлөшүп алганын аныктады. Алар жалгыз бой, көп балалуу эне Асыл Талиптен акча опузалап алышкан. Аял алдамчылыкка шектелүүдө.

Прокуратуранын версиясы боюнча милициялар аялды суракка чакыруу менен психологиялык жана моралдык кысым көрсөтүшкөн.

Бул факты Кылмыш кодексинин 143-беренеси (кыйноо), 320-берененин 2-бөлүгү (кызматтык абалынан кыянаттык менен пайдалануу), 326-берененин 1-бөлүгү (пара опузалап алуу) боюнча катталды.

Аскер прокуратурасынын иликтөө тобу 21-октябрда Октябрь райондук ички иштер бөлүмүнүн башчысы Уланбек Аалиевди, Октябрь райондук ички иштер бөлүмүнүн тергөө кызматынын башчысынын мурдагы орун басары Талгат Куватбековду, тергөөчү Айсулуу Рамазан кызын кармады.

Алар Улуттук коопсуздук мамлекеттик комитетинин убактылуу кармоочу жайына камалды.Тергөө жүрүп жатат.