Балкондон секирип өмүрүн кыюуга аракет кылган кыз куткарылды

Ош шаарындагы Авиценна көчөсүндө жайгашкан 5 кабаттуу үйдүн  батиринин тургуну өз жанын кыюуга аракет кылган кезде куткарылды. Бул тууралуу Өзгөчө кырдаалдар министрлигинин басма сөз кызматына таянуу менен “Барометр” билдирет.

Аталган маалыматка таянсак, 17-октябрда 2008-жылы туулган О.А. аттуу кыз балкондон секирип өз өмүрүн кыюуга аракет кылган.

Куткаруучулар кыз менен сүйлөшүүлөрдү жүргүзүп, өз өмүрүн кыйбоого көндүрүшүп, аман-эсен куткарып ата-энесине өткөрүп беришкен. Жеринде 4 куткаруучу иш алып барды.