Азия кубогу-2019. Эсеп 3:2. Кыргызстан БАЭнын курама командасынан утулуп калды

Азия кубогу - 2019 оюнунда Кыргызстан курама командасы БАЭнын футбол командасы менен беттешти. Беттеште эң алгач атаандаштардын эсебине 13-номур астында ойногон оюнчу эсепти ачып андан көп өтпөй 26-мүнөттө БАЭнин дарбазасына Мирлан Мурзаев гол киргизип 1:1 кылып эсепти теңдеди.

Оюндун 63-мүнөтүндө кыргыз дарбазасына Махбур Ахмет Али гол киргизсе 2 таймдын 91-мүнөтүндө Турсуналы Рустамов башы менен атаандаштарга гол киргизип Кыргызстандыктарга кубаныч тартуулады.

Оюнга 2 жолу 15 мүнөттөн дагы жарым сааттык экстра тайм кошулуп берилди.

Беттештин 102-мүнөтүндө Ахмед Халил Аль-Жубайли гол киргизип эсепти атаандаштардын эсебине 3:2 ге чыгарды.

Экинчи экстра таймда эсепте эч кандай өзгөрүүлөр болгон жок.

Кыргызстан курама командасы БАЭнын курама командасынан 3:2 эсебинде утулду.

Маалым болгондой Кыргызстан курама командасы буга чейин Филиппин курама командасы менен беттешип 3:1 эсебинде жеңишке жеткен эле.