Асанбай кичи районунда эркек кишинин сөөгү табылды

Бишкектин Асанбай кичи районунда эркек кишинин сөөгү табылды. Бул тууралуу Өзгөчө кырдаалдар министрлигинин басма сөз кызматы кабарлады.

26-июнда куткаруу кызматына Асанбай кичи районундагы суу аккан арыктын ичинде жаш курагы болжол менен 45-50 жаштагы эркек кишинин сөөгү табылганы тууралуу маалымат келип түшкөн.

Окуя болгон жерге беш куткаруучу барып, эркек кишинин сөөгүн алып чыгып милиция кызматкерлерине өткөрүп беришти.

Каза тапкан адамдын өздүгү такталууда.