Анжелика Lexus Nx 2018 алып 11 жаштагы кызына белек кылды

Ырчы Анжелика Кайратова акыркы учурда эл сынында жүргөн "жылдыздардын" катарын толуктап келет. Бул жолу ал Lexus  үлгүсүндөгү унаа алгандыгы тууралуу өзүнүн инстаграм баракчасы аркылуу кабарлады.

Маалым болгондой ырчы айым буга чейин кандай үлгүдөгү машина алсам деп окурмандарына суроо салган эле.

Анжелика унаа тууралуу жазган постуна:

"Ооба! Менин ак эмгегим! Кыялдар орундалат! Жаратканыма миң мертебе мактоолор болсун! Кызым Айымкага ырымдап койдук. 18ге чыкканга чейин мен шопур болуп турам." -деп баяндама жазды.

Айта кетсек кечээ Анжеликанын улуу кызы Айыманын туулган күнү болу, ал 11 жашка чыкты. Посттун астына жазылган пикирлердин арасында бирөө "ким белек кылды?" деп суроо салды. Ал суроого Анжелика "мен кызыма" деген жооп узатты. Дал ушул жооптон кийин көпчүлүк "кызың машина айдай алабы", "мактанбачы", "мен ойношу подарка кылды деп ойлоп алыпмын", "Марат сага сен кызыңа", "Айыма 11 эле жаштаго, права берилбейт да ага" деген түрдүү пикирлерди жазып калтырышууда.

Албетте терс пикир жазуучулардан кем калышпай ырчынын сахналаштары жана күйөрмандары жакшы калоо-тилектерин айтууда.