Алымкадыр Бейшеналиев: 70 пайыз калк эмделет, күзүндө мектептер кадимки режимде окуйт

Эгерде 70 пайыз калк эмдөөдөн өтсө, сентябрь айында мектептер кадимки режимге кайтып келет. Бул тууралуу Саламаттыкты сактоо жана социалдык өнүгүү министри Алымкадыр Бейшеналиев радио эфирде билдиргенин “Барометр” маалымдайт.

Анын айтымында, жамааттык иммунитетти пайда кылыш үчүн 2 млн 137 миң адамды эмдөө зарыл.

2020-жылы март айынан тартып өлкөдө мектептер онлайн-режимде иштеп жатышат.2021-жылдын январь айынан тартып мектептердин бир бөлүгү салттуу режимде окуса, бир бөлүгү онлайн режимде калган.