"Альянс Алтын" өнүктүрүү фондунун колдоосу менен репрессия курмандыктарына арналган эстеликтер ачылды

“Альянс Алтын” өнүктүрүү фондунун колдоосу менен Айтматов районунда репрессия курмандыктарына арналган эстеликтер ачылды.

Айтматов районунда ата-бабаларды эскерүү күнүндө 1937–1938-жылдардагы саясий репрессиянын курмандыктары — Төрөкул Айтматов, Эркинбек Эсенаманов жана Султанбек Монголбаевге арналган мемориалдык айкелдердин ачылышы болуп өттү .

Эстеликтерди белгилүү скульптор Солтобай уулу Канимет жасап, тарыхый инсандардын руханий мурастарын көркөмдөп чагылдырган.

Мемориалдык айкелдер орду толгус жоготууларын эскертип, ошол эле учурда биримдикке, тынчтыкка жана аруулукка чакырган тарыхый мурас катары келечекке кала бермекчи.