"Аламүдүн" базарында дезинфекциялоо иштери жүрүүдө

Бүгүнтөн тарта "Аламүдүн" базары дезинфекциялоо үчүн жабылды. Бул тууралуу Мэриянын маалымат кызматы билдирди.

"Санитардык-эпидемиологиялык көзөмөл борбору бул үчүн тиешелүү кагаздарды жазып берди. Чечимди Республикалык штаб кабыл алды", — дешти алар.

ӨКМдин маалымат катчысы Элмира Шерипова "Аламүдүн" базарында тазалоо иштери башталганын соцтармак аркылуу билдирди.

Бишкекте буга чейин "Орто-Сай" базарында коронавирустун очогу табылып, дезинфекциялоо үчүн жабылган. Ал эми "Ош" базары жакынку күндөрү жабылат, так датасы азыныча айтыла элек.