Алайда 56 жаштагы эркек кишинин сөөгү өрттөнүп кеткен үйүнөн табылды

Алайда турак үйдөн өрт чыгып, анда эркек кишинин күйүп кеткен денеси табылды. Бул тууралуу ӨКМдин басма сөз кызматына таянып "Барометр" билдирет.

Бүгүн, такталган маалымат боюнча саат 13:33тө Алай районунун Гүлчө айыл аймагынын Гүлчө айылындагы борбордук базарынын артында жайгашкан турак үйдөн өрт чыккандыгы тууралуу маалымат келип түшкөн.  

Алай райондук ӨКБнүн №68-ӨККБнүн №3-күзөтүнүн кызматкерлери 13:40да жерине барып, саат 13:44дө курчоого алышкан. Саат 14:04дө өрттү толугу менен өчүрүшкөн.  

Жалпы 103м2 аянт күйгөн. Өрттөнгөн турак үйдөн 1965-жылы туулган эркек кишинин жансыз, күйүп кеткен денеси табылып Алай райондук Ички иштер бөлүмүнүн кызматкерлерине өткөрүлүп берилди.
Учурда өрттүн чыгуу себеби жана чыгымы такталууда.