Ала-Арча капчыгайында Чехиядан келген турист куткарылды

Чехиядан келген 35 жаштагы турист тоодон бутун кайрып алып, жыла албай калгандыктан куткаруучулар тарабынан куткарылды. Бул тууралуу Өзгөчө кырдаалдар министрлиги берген маалыматка таянуу менен “Барометр” кабарлайт.

Окуя кечээ, Ала-Арча капчыгайында болгон. Турист аял көмөк сураган, ӨКМ төрт куткаруучуну жиберген.

6-августтан 7-августка караган түнү турист аял альплагерге аман-эсен жеткирилди, аны тез жардамдын бригадасы менен ооруканага жөнөтүштү.