Акылбек Жапаров: Кыргызстанга кирген импорттук аарылар салыктан бошотулушу керек

Агроөнөр  жай комплексин өнүктүрүү боюнча ыңгайлуу шарттарды түзүү үчүн  Жогорку Кеңештин депутаттары Акылбек Жапаров менен Алтынбек Сулайманов  Салык кодексине өзгөртүүлөрдү киргизүү сунуш кылып жатышат. Эгерде мыйзам кабыл алынса Кыргыз Республикасынын аймагында импорттолуучу төмөндөгүлөр кошумча нарк салыгын төлөөдөн бошотулат:

1) асыл тукум айыл чарба жаныбарлары жана үрөндүк материалдар, бал берүүчү аарылар, туут эне аарылары, көчөттөр;

2) минералдык жер семирткичтер жана өсүмдүктөрдү химиялык коргоочу каражаттар, өсүмдүктөрдүн карантини үчүн бромметан препараты;

3) интенсивдүү багбанчылык үчүн негизги комплектөөчү материалдар (пластикалык зымдар, тамчылап сугаруу тутумунун агрегаттары);

4) жаныбарлар, үй канаттуулары жана балыктар үчүн жемдер жана жем кошулмалары, тамак-аш заттарын өндүрүү үчүн тамак-аш кошулмалары;

5) айыл чарбасында, багбанчылыкта, тамак-аш жана кайра иштетүү өнөр жайында, үй канааттууларын багууда жана балчылыкта пайдалануучу жабдуулар, жабдыктар жана түзүлүштөр, механикалык колдонмолор, таңгактоочу материалдар жана идиштер;

6) айыл чарбасы, багбанчылык, тамак-аш жана кайра иштетүү өнөр жайы, үй канааттууларын багуу жана балчылык үчүн жабдуулардын бөлүктөрү;

7) айыл чарба машиналарына жана техникаларына тутумдар, агрегаттар, кыймылдаткычтар жана запастык бөлүктөр, шиналар жана комплектөөчү буюм-тайымдар;

8) фитосанитардык, биологиялык жана кыртыш изилдөө лабораториялары үчүн жабдуулар, суу чарбасы жана ирригация үчүн атайын техника;

- менчиктин бардык түрүндөгү айыл чарба субъектилери үчүн жана аларды (жеке өндүрүштүк максаттар, сатуу жана лизингге берүү үчүн) ташып келүүнүн максаттарына карабастан, КНС төлөөчү катары чарбакер субъектинин каттоо фактысына карабастан ишке ашырылуучу ушул Кодекстин 259-беренесинин 2-бөлүгүндө каралган негизги каражаттардын импорту КНС төлөөдөн бошотулат;

- айыл чарба кооперативинин жана айыл чарба багытындагы соода-логистикалык борбордун негизги иш максаттарында пайдаланылган, алардын менчигинде же убактылуу пайдалануусунда турган имараттар, жайлар жана курулмалар мүлк салыгын төлөөдөн колдонуудагы 50 пайыздын ордуна 75 пайыз өлчөмүндө бошотулат.

 Депутаттарын айтмында, cунуш кылынган мыйзам долбоорун кабыл алуу айыл чарбасындагы бардык субъекттердин ишине оң таасирин берет.