Аксыда сел суулары унаа жолду каптады (Сүрөт)

Аксыда сел суулары сел өтүүчү сайдын 1500м аралыгын жана унаа жолдун 50метрин каптады. Бул тууралуу ӨКМдин басма сөз кызматына таянып "Барометр" билдирет.

Аксы районунун Кара-Суу айыл аймагындагы унаа жолду сел суулары каптады. 

"Кечээ, 11-августта саат 17:20 чамасында катуу жааган жамгырдын кесепетинен кокту-колоттордон келген сел суулары Кезерт айылынын сел өтүүчү сайынын болжол менен 1500м аралыгын жана ички чарбалык унаа жолдун 50м аралыгын кум шагылга толтурду", - деп айтылат маалыматта.

Учурда тазалоо иштери журүүдө.