Акаев: Атамбаевдин, үйүмдө отуруп алып, өлкөнү башкарган аталык болом деген тилеги таш капты

 Мурдагы өлкө башчысы Алмазбек Атамбаев Кой-Таштагы үйүндө отуруп алып, өлкөнү башкарып отура берем деген тилеги таш каап, өзүнүн интервьюсу аркылуу таарынычын айтып алды, деп эсептейт Жогорку Кеңештин депутаты Жанар Акаев.

«Атамбаевдин таарынычка толгон интервьюсун баштан аяк толугу менен көрүп чыктым. Бул адам Конституцияны референдум аркылуу өзгрөтүп, өзүмдүн адамымды президенттике өткөрүп, менин мураскерим өтпөй калса парламент аркылуу, өкмөт аркылуу өлкөнү Кой-Таштагы үйүмдө жатып алып башкара берем деген саясаттагы планы эч кимге жашыруун эмес. Бирок анын бул оюу ойрон болду», - деп билдирди Жанар Акаев «Парламентаризм сабактары» берүүсүндө.

 Депутаттын айтмында, учурдагы президент Сооронбай Жээнбеков тескерисинче Атамбаев дайындаган премьер-министрди парламент аркылуу кетирип, жаны өкмөттү курап, күч түзүмдөрүнө жаңы адамдарды дайындап, башкача айтканда бийликти өз колуна топтоп алгандан кийин Атамбаевдин сөзү өтүмдүү болбой калды.

«Ошол себептен мурдагы ажо   жаңы салган үйүндө жатып алып бийликти башкара берем деген оюу ишке ашпай калгандыктан, эми Конституцияны Бакиевдерди эске салып, элдин бир дагы маселесин көтөрбөстөн өзүнүн  ишке ашпай калган таарынычтарын гана  айтып чыкты», - дейт депутат.

Жанар Акаевдин айтымында, мурдагы  президент  Конституцияга өзгөртүү киргизип жатканда парламенттеги партиясына,  ал жактагы депутаттарга мурдагы өкмөт башчысы Сапар Исаковго ишенген.

«Атамбаев Конституцияны өзгортүү менен премьер –министрге көп укуктарды берип, аны менен эгер  мени укпаган президент келсе мен аны эч ким эмес деген деңгэлге  чеийин түшүрүп,  аталык болуп алам  деген оюу болгон. Бирок ал ишке ашпай калды», - дейт.

Эске салсак,  мурдагы ажо Алмазбек Атамбаев менен 1 жыл мурун дайындалган президент Сооронбай Жээнбеков экоонун ортосунда тымызын тиреш акыркы убакытта ачыкка чыкты.  Жакында эле бул тууралуу Алмазбек Атамбаев “Апрель” телеканалында   өз  пикирин билдирип чыкты.