Акаев: Чыңгыз Айдарбековдун саламаттыгы начарлап, жыйындарга катыша албай жатат

Депутат Чыңгыз Айдарбеков ден соолугуна байланыштуу Жогорку Кеңештин жыйындарына катыша албайт. Бул тууралуу Жанар Акаевдин соцтармактагы баракчасына жазылган маалыматка шилтеме берип “Барометр” билдирет.

Маалым болгондой, ал саламаттыгына байланыштуу жыйындарга катыша албай жатканы тууралуу кесиптештерине кат жолдогон.

“Чыңгыз Айдарбеков саламаттыгына байланыштуу жыйындарга убактылуу катыша албайт. Ал бул тууралуу Жогорку Кеңештин төрагасына жана фракция лидери катары менин атыма расмий кат жазды. Чыңгыз Азаматович өтө жакынкы күндөрү кайтып келип, өз ишин улантат деп ишенем. Кесиптешибиз Эмил Жамгырчиевдин тегерегинде жаралган жагдайлар боюнча  кошумча маалымат беребиз”,- деди Акаев.

Эске сала кетсек, детутат Чыңгыз Айдарбеков жана Эмил Жамгырчиевдер Казакстанга тажияга бара жатканда чек арадан кармалганы тууралуу Элвира Сурабалдиева билдирүү тараткан.
Ал эми, УКМК Эмил Жамгырчиев кармалып кайра койо берилгенин айтып, Чыңгыз Айдарбековдун кармалганын четке каккан.