Айсулуу Тыныбекова жаштардын дүйнө чемпионатында байге уткан кыздарды куттуктады

Кыргыздын атактуу балбан кызы Айсулуу Тыныбекова жаштар арасында дүйнө чемпионатында байгелүү орун алган Мээрим Жуманазарова менен Нураида Анаркулованы куттуктады.

Бул тууралуу Азиянын 3 жолку чемпиону Айсулуу өзүнүн инстаграмм баракчасына жазды.

“Улуулар баскан жолду улап, жаш муундун өсүп келатканы кубандырат. Нураида Анаркулова Кыргызстандын кыз келиндер курамасында эң жаш балбан кыз. Ал быйыл расмий мелдештерде 4 медаль утту. Анын жаш курагына салыштырганда бул өтө жакшы көрсөткүч. 

Анан албетте, Мээрим Жуманазарованы күмүш медаль утканы менен куттуктайм!”, - деп билдирүү калтырган.

Эске сала кетсек, кечээ Таллин шаарында (Эстония) өтүп жаткан күрөштүн түрлөрү боюнча жаштар арасында Дүйнө чемпионатынын кыз-келиндер күрөшү жыйынтыкталды.

Кыргызстан курамасы бул мелдешке 4 кыз катышып, 1 күмүш, 1 коло медаль менен кайтышкан.

Мээрим Жуманазарова 68 кило салмакта күмүш, Нураида Анаркулова 57 кило салмакта коло медаль тагынышкан.

https://www.instagram.com/p/B1Qa1L8p6Do/?utm_source=ig_web_button_share_sheet