Аба ырайы: 8-декабрда кар жаап, күн суук болот

8-декабрда Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Чүй, Талас облустарынын кээ бир тоолуу райондорунда кар жаайт. Бул тууралуу “Кыргызгидромет” борбору берген маалыматка таянып “Барометр” билдирет.

Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы:

Чүй облусунда -4…+1°;

Талас облусунда -4…+1°;

Баткен, Ош, Жалал-Абад облустарында +1…+6°;

Ысык-Көл облусунда 0…+5°;

Нарын облусунда 0…-5°;

8-декабрда Бишкек шаарында бир аз кар жаайт. Абанын температурасы -1…-3° суук болот.