8-октябрда көпчүлүк аймактарда жаан жаайт

Бугүн 8-октябрда республиканын көпчүлүк аймактарында жаан жаап күн күркүрөйт. Батыштан соккон шамалдын ылдамдыгы секундасына 4-9 метрди түзөт. Бул тууралуу Кыргызгидрометтин сайтына жарыяланды. 

Абанын температурасы Чүй менен Талас өрөөндөрүндө +10…+15 градус, Ош, Жалал-Абад жана Баткен облустарында +12…+17, Ысык-Көл жана Нарын облустарында +11…+16 градус жылуу болот.

Ал эми Бишкек жана Ош шаарларында мезгил-мезгил менен жаан жаап, күндүн табы Бишкекте +10…+12, Ош шаарында +15…+17 градуска көтөрүлөт.