3-4-августта нөшөрлөгөн жамгыр жаап, сел жүрүшү мүмкүн

3-4-августта туруксуз аба ырайынан улам республиканын тоолуу аймактарында сел жүрүшү ыктымал. Бул тууралуу бүгүн Кыргызгидрометтен кабарлашканын «Барометр” маалымдайт.

Мөңгүлөрдөн агып түшкөн дайраларда суунун деңгээли жогорулайт.

Бишкек шаарында жамгыр жаабайт. Батыштан соккон шамалдын ылдамдыгы секундасына 4-9 метрге жетет. Абанын түнкү температурасы +19…+21, күндүз +35…+37 градус болот.

Чолпон-Атада жамгыр жаайт, абанын түнкү температурасы +14…+16 күндүз +24…+26 градус болот.