Тоо башында жайгашкан Акпай көлү каптап кетти, 8 үй-бүлө эвакуацияланды

Чүй областынын Сокулук районундагы тоодо жайгашкан Акпай көлү деңгээлинен ашып кетти. Бул тууралуу Өзгөчө кырдаалдар министрлигинин басма сөз кызматы кабарлаганын “Барометр” билдирет.

Белогорка капчыгайында жайгашкан көлдүн каптап кетишинен улам Сокулук-Төш-Булак жолунун 37-чакырымындагы 400 метр жерди суу каптады.

Сокулук-Шаркыратма жолу жабылды. 8 үй-бүлө эвакуацияланды.

Сокулук суусунун деңгээли көбөйгөндүктөн жээкти бойлото жайгашкан үйлөрдүн тургундары коопсуз жайга кетүүдө. Чүй областынын жарандык коргоо күчтөрү жогорку режимде иштөөгө өтүштү.