Республика аймагында жаан жаашы күтүлүүдө

Бүгүн 4-июнда Республика аймагында мезгил-мезгили менен жаан жаашы күтүлүүдө. Бул тууралуу ӨКМдин басма сөз кызматы билдирди.  

Маалыматка ылайык, Ош, Ысык-Көл, Нарын облустарынын кээ бир райондорунда, Чүй, Жалал-Абад облустарынын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. 

Чүй, Жалал-Абад облустарынын дыйканчылык аймактарында жана Талас, Баткен облустарында жаан-чачын күтүлбөйт. Түштүк-чыгыштан соккон шамалдын ылдамдыгы секундасына 5-10 метрден, кээ бир райондордо 15-20 метрге жетиши күтүлөт.