1,8 млн сомго жакын бажы төлөмдөрүн төлөөдөн баш тарткан жарандар кармалды

Кыргыз республикасынын өкмөтүнө караштуу Мамлекеттик Бажы кызматытынын кызматкерлери тарабынан ири өлчөмдө бажы төлөмдөрүн төлөөдөн баш тартуу фактысы аныкталган  Бул тууралуу аталган мекеменин басма сөз катчысы Жаманак Мусурканов Barometr.kg сайтына бүгүн 18 январда билдирди.

Маалыматка ылайык, ЕАЭБтин Бажы аймагына товарларды жана транспорт каражаттарын мыйзамсыз ташып кирүү фактыларын табуу жана бөгөт коюу боюнча жүргүзүлгөн ыкчам иш-чаранын жыйынтыгында, «П» ААК тарабынан товардын наркын төмөндөтүү жолу менен ири өлчөмдө бажы төлөмдөрүн төлөөдөн баш тартуу фактысын Мамлекеттик бажы кызматынын кызматкерлери аныктады.

«Жалпысынан алганда  төлөнбөй калган бажы алымынын суммасы 1  млн 858  миң 761,91 сомду түзгөн. Андыктан  чогултулган материалдар  мыйзамга ылайык чара көрүү үчүн Кыргыз Республикасынын генералдык прокуратурасына өткөрүлүп берилди», - деп билдирет басма сөз кызматы.