15-декабрда Кыргызстандын көпчүлүк аймактарында жаан-чачын күтүлбөйт

15-декабрда Ош, Баткен, Ысык-Көл облустарынын кээ бир райондорунда кар жаайт. Чүй, Талас, Ош, Жалал-Абад, Баткен облустарынын кээ бир райондоруна туман түшөт. Бул тууралуу “Кыргызгидромет” борбору берген маалыматка таянып “Барометр” билдирет.

Жолдорго муз тоңот. Батыштан жел согуп турат.

Абанын температурасы:

Талас, Чүй облустарында -3...-8°;

Ош, Жалал-Абад, Баткен облустарында -1...+4°;

Ысык-Көл облусунда -2....+3°;

Нарын облусунда -4...-9°;

Бишкек шаарында жаан-чачын жаабайт, туман түшөт. Абанын температурасы -6…-8° болот.