Бишкекте 1-апрелден тарта балдар аянтчалары жабылат

Бишкек шаарындагы соода борборлордо жайгашкан балдар аянтчалары жабылат. Бул тууралуу бүгүн, 30-апрелде вице-мэр Айжан Чыныбаева брифинг учурунда билдирди.

Маалым болгондой, борбор калаада эпидемиялогиялык кырдаал дагы да курч болгондуктан, 1-апрелден тарта бир катар чектөөлөр киргизилет.

“Борбор калаада күн санап, коронавирус илдетин жугузгандардын саны өсүп жатат. Ага ылайык, балдардын коопсуздугу үчүн 1-апрелден тарта соода борборлордун ичине жайгашкан балдар аянтчалары жабылат”, - деди Айжан Чыныбаева.

Ошону менен катары эле, вице-мэр жарандарды өз алдынча дарылануудан алыс болуп, оорунун белгилери байкалары менен 118 колл-борборуна чалууну сунуштады.