Жумгалда балык уулоого кеткен эки адам бир айдан бери дайынсыз

Көкөмерен дарыясына балык уулоого кеткен эки жаран бир айдан бери изделүүдө. Бул тууралуу ӨКМдин басма сөз кызматына таянып «Барометр» билдирет.

Маалыматка ылайык, Жумгал районунда 5-июнь күнү Миң-Куш айылынын тургундары 1978-жылы туулган жана 1977-жылы туулган Өрнөк айылындагы Көкөмерен дарыясына балык кармоого кетишкен. Ал күндөн тарта ушул күнгө чейин дайынсыз болууда.

Кечээ, 7-июль күнү издөө иштерин улантуу максатында жалпы беш ӨКМдин №44 өрткө каршы куткаруу бөлүмүнүн куткаруучулары тартылган.

 Учурда издөө иштери уланууда.