Жүрөк үшүн алат. Жол кырсыгынан 14 адам жаракат алып, экөө каза болду

Ысык-Көлдө үрөй учурган жол кырысыгы болуп, анын кесепетинен 2 адам каза болуп, 14 киши жаракат алды. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, Ысык-Көлдө жол кырсыгынан 7 жана 69 жаштагы жаран каза болуп, 14 адам жабыркаган.

"Кырсык кече,  4-июль күнү саат 19:30дар чамасында Балыкчы - Ананьево - Каракол унаа жолунун 27-чакырымында  орун алып, анда Honda Odyssey жана Toyota Estima  үлгүсүндөгү жеңил унаалары кагылышкан.

Кырсык болгон жерге Балыкчы шаарынын №19 өрткө каршы куткаруу бөлүмүнөн 4 куткаруучу тартылып, каза болгондордун  сөөгүн чыгарышып, ИИМ кызматкерлерине өткөрүп беришкен. Ал эми 14 адам ооруканага жеткирилген.

Такталган маалыматка ылайык, каза болгон жарандар 2015-жылы туулган М.Д. жана 1953 ж.т. А.Ж. аттуу жарандар", -деп айтылат маалыматта.