Жол чырактарга кошумча белгилер жана секциялар орнотулду. Дагы кайсы көчөлөргө жакында камера коюлат? Тизме

Бишкек мэриясы "Коопсуз шаар" долбоорунун алкагында жол чырактарга кошумча секцияларды жана жол белгилерин орнотту. Бул тууралуу аталган мекемеден билдиришти.

Жол чырактарга кошумча белгилер жана секциялар төмөндөгү көчөлөрдүн кесилиштерине коюлду: 

• 7-Апрель/Горький (кошумча секция, солго кайрылуу, түндүктөн түштүккө, 4 тилке);
• Курманжан-Датка/Чүй (жол чырактар жылдырылып, кошумча секциялардын убактысы узартылды);
• Чүй/Фучик (батыштан чыгышты көздөй экинчи тилкеден солго бурулуу).

Мындан сырткары, 2019-жылдын март айларында "Коопсуз шаар" долбоорунун экинчи бөлүгү ишке ашат. Анда онго жакын көчөлөрдүн кесилишине камералар орнотулат. 

Алар:

• Бөкөнбаев/Манас;
• Чүй/Манас;
• Чүй/Павлов;
• Жибек Жолу/Манас;
• Махатма Ганди/Боталиев;
• Жибек Жолу/Курманжан-Датка;
• Ахунбаев/Байтик Баатыр;
• Чүй/Абдрахманов;
• Байтик Баатыр/Горький;

Белгилүү болгондой, баш калаада 12-февралдан тартып "Коопсуз шаар" долбоору иштей баштады. Учурда негизги көчөлөрдүн кесилишинде онго жакын камералар иштеп жатат.