Жогорку Кеңештин депутаты Бишкек-Ош автожолунда кырсыкка учурап, кошо бара жаткан энеси каза болду

Жогорку Кеңештин депутаты Нодирбек Каримов Бишкек-Ош жолундагы 207-чакырымында автокырсыкка учурап, кесепетинен жанында чогуу бара жаткан энеси кайтыш болду. Бул тууралуу тартип коргоо органдары  билдиришти. 

Берилген маалыматтарга караганда, айдоочу рулду башкара албай жолдон чыгып кеткен. Каза болгон бир адамдан сырткары жаракат алгандар жакынкы ооруканага жеткирилген. 

Учурда окуянын чоо-жайы иликтенүүдө.