ЖКнын комитети Кыргызстандын Казакстандагы элчисине Жээнбек Кулубаевдин талапкерлигин колдоду

Жогорку Кеӊештин Эл аралык иштер, коргоо жана коопсуздук боюнча комитети Жээнбек Кулубаевди Кыргызстандын Казакстандагы атайын жана ыйгарым укуктуу элчиси кызматына дайындоого макулдугун берди.

 Жээнбек Кулубаев 1963-жылы туулган. Жогорку билимдүү. Адегенде Москва аскер институтун, андан кийин Кытай Тышкы иштер министрлигинин Дипломатиялык институтун бүтүргөн. 1992-жылдан бери дипломатиялык кызматтарды аркалап келет. Кыргыз, орус, англис, кытай тилдеринде эркин сүйлөйт.