ЖЭБ боюнча соттук процессте Сатыбалдиев жана судья айтышып кетишти

Бүгүн, 15-майда, Свердлов райондук сотунда Бишкек ЖЭБин модернизациялоого байланыштуу ишти кароо учурунда айыпталып жаткандардын жактоочулары процессти видеотасмага тартууну камсыздоо талабын коюшту. 

"Мыйзамгга ылайык, соттун отурумун видеотасмага түшүрүүнү камсыздоо керек", - дешти жактоочулар.

Бирок судья өтүнүчтү четке кагып, бирдиктүү сервердин жоктугуна таянуу менен процессти видеотасмага тартуу мүмкүнчүлүгү жок экендигин айтты.

Экс-премьер-министр Жантөрө Сатыбалдиев мындай чечимге канааттанбагандыгын билдирип, судьядан мыйзамды бузбоону талап кылды.

Судья болсо Сатыбалдиевге чыр чыгарбоо талабын койду.

Андан соң судья менен Сатыбалдиев айтышып кетишти.