Жаш шахматчы Айжан Батыш Азия чемпионатында алтын медалды камсыздады

Кыргызстандын жаш шахматчысы Айжан Съезбекова Өзбекистанда өткөрүлгөн Батыш Азия чемпионатында алтын медалды утуп алды. Бул тууралуу мелдештин расмий сайты жазып чыкты.

Маалыматка ылайык мелдеш шахматтын "рапид", "блиц" жана "классикалык" түрлөрү боюнча өткөрүлгөн.

Блиц боюнча мелдеште Айжан 8 жашка чейинки 12 кыз менен күч сынашты. 9 турдун жыйынтыгы боюнча Съездбекова 7,5 балл топтоп мелдеште биринчи орунду камсыздады. Ал эми классикалык шахмат боюнча катышуучулар 7 тур менен ойноп, мында Айжан 4-орунду алды.

Эске салсак, буга чейин жаш шахматчы рапид боюнча мелдеште күмүш медалды утуп алган.