Жапаров: Мындай катаал кырдаал бир дагы президенттин башынан өткөн эмес

Президент Садыр Жапаров бүгүн, 5-майда Баш мыйзамга кол коюу аземинде баардык кыргызстандыктарга жана чет элде иштеп жүргөн мекендештерибизге кайрылуу жолдоп, талыкпаган эмгек менен гана өлкөбүздү каптаган каатчылыктан арылса болорун айтты.

“Азыркыдай оор кырдаал, экономикалык каатчылык, кризистик жагдай мага чейинки бир да президенттин башынан өткөн эмес. Мен казынаны 20 миллиард дефицит менен алдым. Кудай буюрса, бул кыйынчылыктан да чыгып кетебиз деп сиздерди ишендирип кетем. Болгону, күнү-түнү талыкпаган эмгек жана биримдик гана керек.

Эгемендүүлүктүн 30 жылынын ичинде биз өнүгүүнүн жолдорун тынымсыз издеп келдик. Бирок, бул үчүн бизге тарых берген убакыт бүттү, мындан ары жаңылыштыкка жол бербешибиз керек”, - деди Жапаров.