Жалал-Абадда жол кырсыгы эки адамдын өмүрүн алды

Жалал-Абадда дол кырсыгынын кесепетинен эки адам каза болду. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, Бишкек – Ош автоунаа жолунун 323 чакырымында жол кырсыгы катталып,  "VOLVO" үлгүсүндөгү  оор жүк ташуучу автоунаа менен "LEXUS" 470 үлгүсүндөгү  автоунаалары кагылышкан.

"Жол кырсыгынын кесепетинен  жеңил унаанын айдоочусу жана жүргүнчүсү көз жумган.

Жерине Токтогул райондук ӨККБнөн  7 куткаруучу тартылып, жеңил унаада кыпчылган жарандар чыгарылып,  тез жардам кызматына өткөрүп беришкен. Учурда тактоо иштери уланууда", - деп айтылат маалыматта.