Жалал-Абадда лицензиясы жок спирт ичимдиктер кармалды

Жалал-Абадда лицензиясы жок спирт ичимдиктер кармалды. Бул тууралуу Мамлекеттик салык кызматынын басма сөз кызматына таянып "Барометр" билдирет. 

 "Жалал-Абад шаарында иш жүргүзүүгө тиешелүү лицензиясы жок спирт ичимдиктерин мыйзамсыз сатуу фактысы аныкталды", - деп айтылат маалыматта.

Рейддин жүрүшүндө күмөндүү акциздик маркалар менен ар кандай идиштердеги жана аталыштардагы 2 млн сомдон ашык суммада алкоголдун 50 миңден ашуун бөтөлкөсү табылды.

Материалдар КРнын мыйзамына ылайык чара көрүү үчүн укук коргоо органдарына өткөрүлүп берилет.