Жалал-Абадда бала бакча толугу менен күйүп кетти

Жалал-Абаддын Чаткал районунда бала бакча толугу менен күйүп кетти. Бул тууралуу ӨКМнин басма сөз кызматы билдирди.

Маалым болгондой,  тилсиз жоо Каныш-Кыя айыл аймагына караштуу Чакмак-Суу айылында катталды.

Жалын  540 чарчы метр аянтты түзгөн “Ак Шоола” бала бакчасын жок кылды. Өрт таңга маал чыккандыктан, анда эч ким болгон эмес жана жабыркагандар жок.

Учурда кырсыктын келип чыгуу себеби такталууда.