Өзбекстанда ымыркай наристесин аёсуз сабаган эненин видеосу катуу талкууга алынды

Өзбекстанда кичинекей наристесин аёсуз сабап жаткан эненин видеосу соцтармакка таркап кетти. Бул тууралуу "Барометр" маалымдайт.

Видео тасмада, окуя Өзбекстандын Самаркандек облусунда болгону айтылат.

Эмчектеги наристесин сабаган эненин видеосу Самаркандек облусундагы ооруканалардын бириненен тартылган. Анда керебетте олтуруп алып, уктабай жаткан наристени далысына ургулап жатканын көрүүгө болот. Бирок, ымыркай уктабай ыйлап баштаганда эне баланы башка чапкылап, жулкулдатып, аёсуз сабап кирген. 

Окуя тууралуу облустук милиция үн катып, тергөө башталганын кабарлаган.