Өзбекстанда милиция кызматкерлери "паракорчулук кылбай" иштөө үчүн Куран кармап ант беришти

Өзбекстандын Ташкет облусуна караштуу Юкоричирчик районундагы милиция кызматкерлери Куранды кармап, "пара албай тургандыктарын" айтып сөз беришти. Бул тууралуу Өзбекстандын "Радио Озодлик" маалымат кызматы жазды. 

Өзүнүн атын атагысы келбеген кызматкер ант берүү иш-чарасы райондук имамдын катышуусу менен өткөндүгүн билдирген.

Маалыматта айтылгандай, мындай иш-чаранын максаты Өзбекстандагы коррупцияны жоюу болуп саналат. буга чейин медицина тармагындагы кызматкерлер, фермерлер жана мамлекеттик башка тармактагы иштегендер дагы "өлкөгө ак кызматын өтөп, мамлекеттин өнүгүшүү үчүн таза иштеп берүүгө ант беришкен.