Өзбекстан менен Тажикстан жылдын соңуна чейин чек арасын толук такташып бүтөт

Самарканд шаарында 27-сентябрда Өзбекстан менен Тажикстандын өкмөттүк делегацияларынын жумушчу тобунун жолугушуусу болуп өттү. Бул тууралуу «Азия-Плюс» булагына  таянуу менен “Барометр” маалымдайт.

Өзбекстан менен Тажикстандын президенттери курамына геодезисттер, картографтар. Тышкы иштер министрликтеринин, Чек ара кызматтарынын өкүлдөрү кирген тиешелүү жумушчу топторго 2021-жылдын соңуна дейре эки мамлекеттин ортосундагы чекти биротоло такташуу тапшырмасын беришти.

Самарканд шаарында  20-27-сентябрда болгон жолугушууда өзбек-тажик чек арасындагы демаркациялык иштер талакууланып жана аткарылган талаа иштеринин жыйынтыктары каралды.Кийинки жолугушууну Тажикстанда өткөрүү макулдашылды.

Эскерте кетсек, Өзбекстан менен Тажикстандын чек арасынын узундугу 1332 километрди түзөт.