Замирбек Базарбековду Жогорку соттун жамаатына тааныштырды

Бүгүн,  3-февралда, Кыргызстандын президентинин администрациясынын соттор жана прокуратура органдары менен өз ара аракеттенүү бөлүмүнүн башчысы Медербек Сатыев Жогорку соттун төрагасы болуп дайындалган Замирбек Базарбековду Жогорку соттун судьяларына жана аппарат кызматкерлерине тааныштырды. Бул тууралуу Жогорку соттун Басма сөз кызматынын маалыматына шилтеме берип "Барометр" билдирет.

Медербек Сатыев мамлекет башчысы сот реформасынын ийгиликтүү уланышына чоң үмүт артарын белгиледи.

Өз кезегинде Замирбек Базарбеков ынтымакта жана биримдикте сот реформасын биргеликте жүргүзүүгө болгон күч аракетин жумшай тургандыгын ырастады.