Ысык-Көлдө жол кырсыгынан үч адам каза болду

Бүгүн, 8-июнда Ысык-Көлдө жол кырсыгынан үч адам каза болуп, экөө жаракат алышты. Бул тууралуу ӨКМнын басма сөз кызматына шилтеме берип “Барометр” билдирет.

Маалыматка ылайык, саат 04:30 чамасында Ысык-Көл облусунун Жети-Өгүз районундагы Дархан айылындагы Балыкчы - Кызыл-Суу - Каракол унаа жолунун 178-чакырымында, BMW 525 жана AUDI C4 унаалары сүзүшкөн.

Кырсыктын кесепетинен үч адам каза болуп, экөө ооруканага жеткирилген.

Жерине Каракол шаардык №15 Өрт-куткаруу бөлүмүнөн 4 куткаруучу тартылган.