Ысык-Көлдө тоо текелерди мыйзамсыз атып, этин жүктөп келе жаткан браконьерлер кармалды

Ысык-Көлдө тоо текелерди мыйзамсыз аткан браконьерлер кармалды. Бул тууралуу Мамэкотехинспекциянын маалымат кызматына шилтеме берип “Барометр” билдирет.

Маалым болгондой аталган башкармалыкка Ысык-Көл районунун Жаркынбаев айылынын жогору жагындагы Ачык-Таш коктусунда тоо текелери мыйзамсыз атылып жаткандыгы тууралуу билдирүү түшкөн.

Мамэкотехинспекциянын кызматкерлери билдирүүнүн негизинде ыкчам топ түзүп, жерине барып кароо учурунда Ысык-Көл районундагы Ананьев айылынын 4 тургуну «УАЗ» унаасы менен эки тоо текени атып алып, союп келе жаткан жеринен кармалышкан.

Алардан түшүнүк каттары алынып, акт түзүлгөн. Ошондой эле, алардын куралдары алынып, укук коргоо органдарына өткөрүлүп берилген.