Ысык-Көлдө 30 жаштагы жигит 6-класстын окуучусун зордуктоого шектелүүдө

Ысык-Көл областынын Балыкчы шаарында 6-класстын окуучусу эркек кишини зордуктоого айыптап жатат. Бул тууралуу областтын ички иштер башкармалыгынан басма сөз кызматы кабарлады.

Аталган маалыматка таянсак, 16-апрелде милицияга жергиликтүү тургун анын 2006-жылы туулган кызын тааныш жигит зордуктап кеткенин айтып арыз берген.

Териштирүү маалында кыз укук коргоо органдарына окуя март айында болгонун айткан.

 “Кыз 1989-жылы туулган өзүнүн таанышынын жолуктуруп калган.Ал алдап аны жаңы кийимдерди алып келдим деп үйүнө чакырып алган жана ал жактан зомбулук көрсөткөн”,-деп билдиришти ИИБден.

Учурда иликтөө иштери башталды.