Ысык-Көл облусунда жер титирөө катталды

Кечээ, 5-декабрда саат 16:11де Ысык-Көл облусунда жер титирөө катталды. Бул тууралуу Сейсмология институтунун басма сөз кызматынан бүгүн, 6-декабрда билдиришти.

Маалыматка ылайык, жер силкинүүнүн очогунда күчү 2,5 баллга жетип, Ак-Өлөң жана Орто-Токой айылдарында 2 баллга сезилген. Алдын ала маалыматтар боюнча, табигый кырсыктан улам кыйроолор же жабыркагандар катталган жок.