Ырчылар Анжелика жана Асема кучакташып жарашты (Видео)

Ырчылар Анжелика жана Асема жарашышты. Бул тууралуу Анжелика Кайратовнанын социалдык тармактагы баракчасына шилтеме берип “Барометр” билдирет.

Ырчылар Анжелика жана Асема учурдагы коронавирус жана пневмониянын жайылып кетүүсүнө бөгөт коюу, дары-дармектер менен муктаж адамдарды камсыз кылуу, жасалма дем алдыруучу аппараттарды сатып алуу боюнча иштерди бирге аткарышууда.

“Бир туугандардын ортосунда деле “чарт-чурт” болуп турат. Бүгүнкү күндө түшүнбөстүктөн дагы, Аманчылык, ден соолук биринчи орунда. Кечиришип алганга үлгүрүңүздөр. Асем кыз менен үч күндөн бери чогуу “Апам жана менде” элибизге кам көрүп жүрөбүз”, - деп жазган Анжелика.

Эске салсак, ырчылар социалдык тармакта жазылган күйөрмандын сөзүнөн улам урушуп кетишкен. Анда “Болгон ырчынын баары чуркап жүрүшөт. Сиз көрүнбөйсүз го. Анжелика айымга “Датка” наамын берсек да аздык кылат”, - деп Асемага жазган күйөрмандын сөзү себепкер болгон.