Ырчы Ольга Бузова блогердин аялы болууга макул болду

Алып баруучу жана ырчы Ольга Бузова блогер Давид Манукяндын аялы болууга макул болгонун “Комсомольская правда” гезити жазып чыкты. Манукян Таиландда эс алып жүргөндө Бузованын колун сураган.

Маалыматка ылайык, 26 жаштагы блогер 34 жаштагы ырчыга сюрприз даярдаган. Атап айтканда, ресторандан эки кишиге заказ берип, Бузовага 501 роза гүлүн жана Gucci брендинин 750-пробадагы бриллиант тагылган алтын браслет белек кылган. Андан кийин вертолет менен сейилдөө уюштурган.

Бузова Москвага кайтып келгенден кийин жакын курбуларын ресторанга чогултуп, “девичник” өткөргөн.