Ырчы Анжелика онлайн сабакка катыша албай жаткан 16 окуучуга смартфондорду белек кылды

Ырчы Анжелика онлайн сабакка катыша албай жаткан окуучуларга акысыз смартфондорду берди. Бул тууралуу ырчынын соц тармактагы баракчасына жарыяланган маалыматка шилтеме берип “Баромтер” билдирет.

Маалыматта, онлайн окууга мүмкүнчүлүгү жок болуп жаткан 16 мектеп окуучусуна телефондор берилгени айтылат.

Бул билдирүү көптөгөн соц тармактын колдоочуларынын алкышына арзыды.

Кээ бирлери Анжеликаны депутаттар кылбаган жумуштарды жасап жатасын деп батасын беришти.

“Кыздарыңыздын маңдайында аман болуңуз. Сиздей адамдар көп болсун. Канча баланын көңүлүн көтөрүп жатасыз”, -деген комментарийлерди калтырышууда.

Ага утурлай эле соц тармак аркылуу Анжеликадан жардам сурап кайрылган билдирүүлөр да келип жатат.

"Бул кайрымдуулукка башка сулуулук тармактарды иштеткен айымдар жана шоу-бизнес өкүлдөрү да кошулат. Дагы да болсо балдардын кубанычына себепкер болуп, белектерди берип турабыз", - деди Анжелика.