Ырчы Анжелика: Илим Карыпбеков мага "эркекче" сөз бердиңиз эле го

Ырчы Анжелика Кайратова КТРКнын мурдагы директору Илим Карыпбековго жооп кайтарып, “мени тамашаңызга кошпой жүрүңүз” деп эскертти. Бул тууралуу ырчы кыздын соцтармактагы баракчасына жазылган маалыматка шилтеме берип “Барометр” билдирет.

Эскерте кетсек, Илим Карыпбеков шаардык кеңешке шайлоого катышкан айрым талапкерлерге тамаша аралаштыра сын айтып, ырчы Анжеликаны да кошуп кеткен.

"Мен ар кимге тийишип чукуп турсам. Анжелика шалпылдатып, баарын инстаграммына чыгарып турса. Болот мэрияга кайыгы менен сүзө качырып келип турса. Бабыр мырза "живи эле живи" деп өкүрүп-бакырып турса. Нариман мырза "мага шанс бергиле" деп турса. Кыскасы, мэрдин креслосуна атаандаштык катуу", - деп жазган Карыпбеков.

Ага утурлай эле, Анжелика да Карыпбековго таамай жооп кайтарып өттү.

“Акыркы жолу башка планеталар жөнүндөгү темага мени кыпчып жазганыңыздан кийин “эркекче” сөз бердиңиз эле. Мени андай тамашаларыңызга кошпойм деп”, - деген билдирүү калтырды ырчы.