Ырчы Анжелика: "Беш балам менен эс алып жүрөм"

Жаңы жыл келип баары жыл жыйынтыгын чыгарып, эс алып жаткан кез. Булардын катарын Ырчы Анжелика Кайратова да толуктайт. Ал учурда балдары менен Казакстанда эс алып жүргөндүгү тууралуу жеке баракчасына жазды. 

Ырчы:

"Беш балам менен былтыр ушул күндөрү Дубайда эс алдык эле, быйыл бизге кошуна Алматы шаарында эс алуу буйруптур. Машине менен шашпай төрт саатта келдик" -деген мазмундагы пост жазып чыкты.

Посттун астындагы пикир калтыруу бөлүмүндөгүлөрдүн көпчүлүгү "5 балам дейби?", "үч кызың барго" деген өңдүү суроолорду жазып калтырышса, башкалары "экөөсү инилери", "апасынын балдары" деп түшүнбөстүктөргө жооп берип жазышты.

Ырчы айым эс алуу мыкты өтүп жаткандыгы тууралуу да кошумчалады.