Видео. U23 дүйнө чемпионаты: Жоламан жарым финалда

Кыргызстандык грек-рим күрөшүнүн балбаны Жоламан Шаршенбеков U23 дүйнө чемпионатынын жарым финалына чыкты. Жарым финалда ал украиналык Жора Абовян менен кез келет.

Грек-рим күрөшүнөн 60 кило салмакта ат асылышып жаткан Жоламан квалификациялык этапта Азербайжан балбаны Азгар Ализадени 19 секунданын ичинде 4 упайлык ыкмага чаап, далысын тийгизип, таза жеңди.

1/8 финалда орусиялык Артун Петросянды утту. Ал эми чейрек финалда кытайлык Лигуо Цао’ну 2 мүнөттө эсебин таап, 9:0 менен утту.

Спорттук күрөштүн түрлөрү боюнча U23 дүйнө чемпионаты Будапешт шаарында (Венгрия) өтүп жатат.

 Буга чейин эркин күрөш жана кыздар күрөшү болуп өттү.