Видео. “Нефтчи” футбол боюнча Кыргызстандын Кубогун утту

Футбол боюнча Кыргызстандын Кубогун “Нефтчи” командасы утту. Кочкор-Ата шаарынын командасы финалда Бишкектин “Дордой” клубун 1:0 эсебинде утуп алды. Бул тууралуу өлкөнүн Футбол федерациясынын маалымат кызматы билдирди.

Беттештеги жалгыз голду 64-мүнөттө кочкораталыктардын чабуулчусу Азамат Өмүралиев киргизди.

Кыргызстандын Кубогунун финалдык беттеши Жалал-Абад шаарындагы “Курманбек Баатыр” атындагы борбордук стадионунда өттү.

“Нефтчи” өз тарыхында бул мелдешти биринчи ирет утуп жатат. Алар буга чейин үч ирет финалга чыгып, бирок жеңилип калышкан.