Венгрияда Кыргызстандын элчилиги ачылат

Венгрияда Кыргызстандын элчилиги ачылат. Тиешелүү жарлыкка президент Садыр Жапаров кол койду. Бул тууралуу президенттин басма сөз кызматынан кабарлашканын “Барометр” билдирет.

Аталган чечим Кыргызстан менен Венгриянын ортосундагы саясий, соода-экономикалык, илимий-техникалык жана маданий байланыштарды мындан ары бекемдеш үчүн кабыл алынды.

Документке ылайык, Кыргызстандын Венгриядагы элчилиги Будапешт шаарында жайгашмакчы.

Министрлер кабинетине элчиликтин ишмердигинин каржылык жана уюштуруу маселелерин чечүү тапшырылды.